METAL NOIA-NEGREIRA VETERANOS 1-1

É de sabios rectificar, polo que pido perdón públicamente a quen se poidera sentir humillado.

Que a saúde sexa con todos!!!

DON BUDI-METAL NOIA 1-0

Partido xogado o sábado 23 de outubro do 2010 no campo de Ames. Día perfecto para a práctica do fútbol.

Tiven que esperar tres días para poñerme diante do ordenador a escribir a crónica do sábado, para relaxarme, tranquilizarme e sosegarme un pouco. Estou cabreado, coño, non se pode ter tan mala sorte, xa esgotamos a mala sorte para toda a tempada, espero. Certo é que diante somos máis blandiños que caca de nene, e así perdoando, perdoando, metemos ao equipo contrario no partido. As contras, aínda que me pese decilo, cando non ven Eiras, non sabemos facelas; montamos un contrataque con catro homes contra dous contrarios e o balón acaba sempre morrendo moito antes da área riva, acaba fora ou nas mans do porteiro, nunca no pe dun compañeiro. No me explico, se todos xogamos ao fútbol, en campos de pedrolos, pozas, matogueiras e demais, e controlábamos mellor o balón. En fin...

De saída xogaron o sábado Miranda, Polo, Santi, Miguel, Jaime, Ernesto, Pirulo, Pardal, Vahamonde, Gandarela e Diego. Tamén xogaron Campos, Tono, Paco Rentero e Juan. Miguel lesionouse e é dúbida para o sábado (Vahamonde, sancionado, non poderá xogar).

Xogamos un bo partido, serios en defensa, presionando no medio campo, salvo uns minutos a mediados da segunda metade, ante un equipo de empaque, moi curtido na División de Honor, e xa nos gañaron as tres veces nas que xogamos, aínda que nesta o resultado debeu ser outro.

Quen me veña lendo desde que comezamos a publicar vai a pensar que son un puto chorón, que non fago máis que queixarme, que non merecemos perder contra Pepe Noya, que o resultado contra Boqueixón debeu ser outro, que con Maderas Ramos eles só crearon a ocasión de gol, etc. pero e que é certo, non podo comentar os partidos xogados doutra maneira (excepción feita no partido con Ventosa que merecemos perder e empatamos).

Ernesto tivo a primeira e máis clara da primeira parte. Nunha contra e para contradicir o que escribir máis arriba, quedou só diante do porteiro que se quedou debaixo dos paus e a dez metros da porta... buuum, ao "muñeco". Despois Pardal, Ali, Juan e Diego  puideron facer pupa pero non, respectamos demasiado ao rival, ou non sei.

Na segunda metade eles empezaron dominando. Balóns aéreos, balóns aéreos, pero unhas o porteiro, outra os centrais logramos achicar o bombardeo. Nos tivemos varias contras desaproveitadas e pouco máis. No minuto trinta de xogo Vahanmonde foiselle a pinza e case escacha ao interior direito do Don Budi que voou sen motor... Expulsión merecida. Antes Santi fixo un claro penalti (ao meu entender) que o árbitro non pitou. A todo isto estamos no minuto 50 da segunda metade, con dez, cansos pero felices e vai Ernesto en vez de montar unha contra pola banda, despexa o balón a saque de banda. O seu número 5 que en vez de brazos ten catapultas pon o balón na área. Gandarela vai a despexar, empúrrano levemente e o balón despois de tocarlle na croca fai unha parábola e burlándose de todos nos, como dicindo ahí vou, ata o rabo todo é touro, a joderse machiños, eu non quería pero vou a entrar, pois vai e entrou. Punto pelota. Fin do partido, ata logo Lucas.

Á noite, na cea da agrupación, todo moi ben. Fiestorro. A da orquesta era máis bruta cun arado, pero tiña marcha. 

sábado, en Lesende, contra o Negreira, ollo, un moi bo equipo, que na copa lle gañamos o ano pasado (a penaltis), certo, pero faltáballe xente, ollo. Veñen cabreados pois veñen de perder dous partidos seguidos, así que, esperemos, se a sorte non nos é esquifa, hai que gañar, se non podemos ir facendo a maletiña.

AVISO PARA USUARIOS DO BLOGUE

O partido do próximo sábado contra o Don Budi xogarase en horario oficial, é dicir, as 16:30 horas. Facede o favor e ide avisando aos que aínda usen o Tam-tam.

METAL NOIA-ROSALÍA 2-2

Outra semana máis sen gañar, e xa van unhas cuantas. Gustaríame por unha vez narrar unha vitoria no blogue.

Partido disputado no campo de Lesende o Sábado 16 de outubro do 2010 ás 18:30. Aínda nos van a dicir que non facemos máis que chorar, pero é certo, ca......, que tivemos a vitoria nas nosas mans e no último minuto, auga.

Xogaron de saída Miranda, Santi, Manel, Jaime, Miguel, Vahamonde, Eiras, Ganda, Ernesto, Juan e Pardal. Tamén xogaron Aly, Campos, Diego, Cuto e Paco Rentero.

Comezamos xogando mellor e máis enchufados que o equipo contrario (un bo equipo, na miña opinión, cun xogador, o nº 11 dunha calidade sublime) e nun pase polas costas da defensa de Eiras a Ernesto remata nun bonito gol. Debeulles gustar tanto a xogada aos do Rosalía, que a calcaron no gol do empate, obra do seu número 11. Antes do descanso, Miranda providencial salvou un man a man co seu dianteiro.

Na segunda metada xogamos moito mellor. Eles levaron pouco perigo e o 11 fixo menos pupa. Unha xogada de Eiras aos 20´ aproximadamente rematou no 2-1. De ahí ao final tivemos varias clarísimas (a de Pardal diante do porteiro e deixandoa atrás a Ernesto que estaba no estranxeiro, non a entendo, aínda que eu non sei moito de fútbol). Tamén Campos, Diego e Aly tiveron algunha.

Faltando tres minutos, desbaraxuste. Eles avisan rematando ao longueiro. E nun saque de corner (eles tiñan un equipo de baloncesto xogando no equipo de fútbol), rexeitamento, contrarexeitamento, etc. non a cheiramos, e claro, gol (se non fose desa aínda lle daríamos outro rexeitamento ohu...) 2-2 e o árbitro (moi ben) pita o final tras o gol. Jode, non jode? pois a mamar.

Próximo partido, en Bertamiráns contra o Don Budi. Nunca lle gañamos a este equipo, así que, como dixo alguén nos vestiarios, un dous na quiniela...

METAL NOIA-TALLERES VENTOSA 3-3

Partido disputado o sábado, 9 de outubro de 2010 en Lesende.

Xogaron de saída Miranda, Santi, Polo, Jaime, Miguel, Vahamonde, Nieto, Pirulo, Aly, Ernesto e Ganda. Tamén xogaron Pardal, Manel, Tono, Juan, Campos, Diego, e Cuto.

Por onde empezo? Porque estou cabreado por non gañar este partido, pero certo é que tamén o puidemos perder.

Xogamos mal, peor que os outros partidos anteriores, e, en cambio, empezamos gañando, con un gol en propia meta dun defensa do Ventosa. Xa nos víamos felices e relaxados e tralo descanso, tivemos dez minutos de pesadelo, no que o equipo contrario se nos subeu á chepa. Nun saque de banda, cubrímonos o lateral ao noso interior e recibe o balón o do equipo contrario que recibe falta. Ao saque da falta, hai un no segundo pau máis só que a illa de Pascua, rematando a pracer. Uns minutos despois, unha internada pola mesma banda acaba en penalti (claro, Miguel, claro, que se oeu en Noia), e... 1-2, nun vira vira. Antes do empate, Pirulo de penalti cometido sobre Aly, Diego marca pero o árbitro pita fora de xogo (persoalmente, equivocouse). O partido entra nun "correcalles" e outro contraataque do Ventosa remata en gol tras unha serie de rechaces. A falta de dous minutos para o final, Pardal remata de cabeza un corner e 3-3, e menos mal.

Sábado, ás 18:30 xogamos contra o Rosalía que tamén ten un punto. A ver...

MADERAS RAMOS-METAL NOIA 1-0

Partido disputado no campo de Calo o día 2 de outubro de 2010, nun día feote. Pois non perdemos por máis dun gol, como anticipei a semana pasada, non... Agora, os mesmos erros dos dous partidos anteriores.

Xogaron de saída: Miranda, Ganda, Jaime, Miguel, Manel, Vahamonde, Ernesto, Tono, Pardal, Nieto e Aly. Tamén xogaron Polo, Santi, Campos e Cuto.

Comezamos mal, rematadamente mal. Nos primeiros quince minutos xogamos acomplexados, nerviosos, precipitados... Aos cinco minutos, unha xogada pola banda esquerda acaba en centro raso que non logra blocar Miranda e o balón quédalle nos pes dun xogador contrario que só ten que empurrala á portería. Mecago na...

Pouco a pouco comezamos a salir da cova con balóns longos a Aly aínda que non creamos perigo. O tempo vai pasando e as forzas vanse equilibrando. Eles tocábana mellor pero tampouco crearon moito perigo.

Na segunda parte, aos poucos minutos Pardal vaise do último defensor e é derrubado. Tarxeta amarela (o árbitro un pouco caserillo); espabilamos e empezamos a crear ocasións e a mellorar no xogo. Aly e Ernesto tiveron ocasións bastante claras. Manel tamén despexou unha clara para eles. O mellor do partido (cinco estrelas) hoxe para Santi (parou moi ben ao da súa banda). O árbitro cortounos un contraataque para meterlle unha tarxeta por protestar a un deles... (non entendo nada).

E así foi, machiños... Seguimos con cero puntos, pero coa sensación de que puidemos sumar algún nestes tres partidos.

O sábado xogamos ás 16:30 en Lesende contra outro recén ascendido (Talleres Ventosa). Lembrade, son xóvenes, moi rápidos e pódennos facer moita pupa como saiamos de cachondeo... Olliño. Temos que estrenar o casilleiro e non esperar á heroica como fai dous anos.

Poñede algún comentario, podendo ser firmado, eh? Sara Carbonero de momento non colle o teléfono.